لما نويت اتجوز

لما نويت أتجوز


يوم ما نويت اتجوز قلت لازم اختار

فكرت وقررت طيب ليه احتار

اخترت الغنيه عيشتى تبقى هنيه

والطير من حواليه والبيت يبقى عمار

ولما اتجوزتها جات تتحكم فيه

تأمرنى وتنهانى والبيت ولع نار

قلت ساعتها توبة دى آخر نوبة

خطوة مش محسوبة خلت حالى حال

قلت أتجوز تانى واحدة تكون أمورة

أهواها وتهوانى والبركة فى الصورة


طرت ساعتها بيها يارب تخليها

من حسنك تديها وتزيدها جمال

لكن يا أحباب ظنى والله خاب

أصل الست الهانم بتسوء فى الدلال

قلت دى آخر مره راح أتجوز فيها

عايز واحدة حرة ونسبها يعليها

قلت أبوها يعيننى وأخوها يعينى

وبجاهها توصلنى وتريح لى البال

آه منها يا غلبى عايزة تستعبدنى

ريحنى ياربى من سطوة أهاليها

قلت ساعتها توبة دى آخر نوبة

خطوة مش محسوبة خلت حالى حال

قالوا لى الصالحين اختار ذات الدين

هتريح لك بالك قلت لهم آمين

هتكون بنت حلال هتكون بنت أصول

ميغركش المال والشكل الجميل

لكن فين الصحة راحت ويا المال

والروماتيزم والكحة خلوا حالى حال

وانتوا الدور عليكم يارب يخليكم للاسلام يهديكم

زى رسولنا ما قال