أهميه الحب في حياتنا ؟

من طرف **body** الخميس أكتوبر 07, 2010 11:18 am

أهميه الحب في حياتنا

الموضوع هو مراحل انتقال الحب في حياتنا بمعني كل واحد فينا بيكون محتاج لمرحله
جديده في حياته علشان تخليه ناجح مثلا في الشغل بيكون عايز يوصل لمرحله اعلى في الترقيه
وده بيحتاج منه مجهود وجديه في العمل
*وواحد ارمل وعنده اولاد بيكون محتاج زوجه تراعي اولاده دي بردوا اسمها مرحله انتقاليه في حياته
* وواحد بيكون محتاج للحب علشان يكون مرحله
انتقاليه في حياته بس كلنا بناخود الخطوه دي من غير هدف واضح او من غير هدف اصلا كتير اوي
مننا بمجرد ما يعجب بشخص بيجري يترمي في حضنه من غير تحديد هدف او تفكير بيكون محتاج
حب وخلاص أو عشان يملا بيه فراغ عاطفي في حياته فكرت كتير في ده ليه منعملش كنترول في حياتنا في عواطفنا زي ما بنعمل في حياتنا
العامه يعني هو احنا لما بيتعرض علينا وظيفه جديده بنفضل نفكر فيها هل الوظيفه دي صالحه
ليا وهتناسبني ولا لئه ؟ هل الوظيفه دي هتنقلني لفوق ولا هتنزلني لتحت ؟
ليه احنا مش نفكر في الحب على انه وظيفه جديده في حياتنا ؟
فعلا الحب وظيفه جديده في حياتنا بس ياتري مين فينا بيفكر فيها على انها مرحله انتقاليه في حياته
جديده ولازم نفكر فيها بجديه بعيد عن العواطف نفكر فيها بعقلنا كلمه عقلنا دي كبيره اوي عارفين ليه
لان العقل هو المسؤل عن الخطوط الحمرا اللي في حياتنا هو المسؤل عن المشاكل الكبيره والمخاطر اللي بتكون
في حياتنا بصفه عامه المشكله اننا مش بنلجأ ليه غير بعد وقوعنا في المصيبه يعني بعد ما تسيب حبيبك وتقعد كده مع نفسك بتحس انك كنت غبي اوي في اختيار الشخص ده وان حبك ليه كان عاميك اوي ليه مفكرناش بعقلنا لان العقل هو؟
اللي بيتكلم صح لان هو الحقيقه ..
ليه مش بنحكمه قبل ما نقع في فخ الحب والعواطف ليه
مش بنلجأ ليه في حبنا واختيار الحبيب ؟
مش عارفه فهمتوني ولا اوضح اكتر ؟
خليني اوضح اكتر كل واحد فينا دلوقتي يفكر ويحكم الكبير اللي هو عقله الحكيم واللي معندوش
عقل يشتري ليه عقل بس ياريت يكون العقل ده اكبر منه سنا وخبره علشان يختار صح
كام واحد فينا استفاد من حبه ومن علاقته بحبيبه ؟
الحب زي الوظيفه بالظبط يا تخليك فوق يا تخليك مفلس وشحات ومعدوم الوجود
كام واحد فينا اتغير علشان حبيبه او حبيبه غيره ؟
الحب ليه معاني كتييييييير اوي بس المعني المهم في الحب مش انه يخليك سعيد ويخليك تحس انك
طاير من السعاده علشان كلمه حلوه بحبيبك او بوسه او حضن !! لو حد فكر بالشكل ده في الحب
يبقي انسا انت كده مبتحبش ولا تعرف اساسا يعني ايه حب
المعني المهم في الحب هو انك ازاي تخلي حبيبك حد كويس حد محترم انك تقف جمبه وتساعده
في كل حاجه
* لو بيشرب سجاير تقف جمبه وتغيره وتخليه احسن
* لو كسول تقوي عزيمته وتخليه احسن واحد في الدنيا
* لو بتاع بنات تملا عينه وحياته وتهتم بيه
* لو عصبي تحاول تساعده انه يمتص عصبيته مش لو اتخانق معاك تتخانق انت كمان وتسيبه وتمشي
* لو معاملته بالناس اللي حواليه وحشه تحاول انت تصلحها وتخليه يحب كل اللي حواليه
* لو بخيل ازاي ادور على وسيله تغير بخله
مش عيب اننا نفكر في الحب على انه مصلحه بس مش مصلحه فلوس لان كده مش هيكون حب
لا
انا بتكلم عليه انه مصلحه بأنك تختار الشخص اللي يقدر يعمل ده معاك اللي يكون عنده الحماس لده
انه يكون واقف جمبك في كل محنك وحياتك
* كل واحد فينا بيكون محتاج لحد يكون عونه ويكون مرايه ليه تقوله وقت الغلط انت غلط ووقت الصح
برافوا عليك وتشجعه اكتر ونكمل بعض في كل حاجه
* كل واحد فينا يفكر
حبيبي ده قدملي ايه غير فيا ايه ؟ خلاني حد كويس وساعدني ولا نزلني تحت وكرهنى في حياتي وفي اللي حواليا وانا قدمت ليه ايه
علشان يكون حد كويس وقفت جمبه في محنته ؟ ولا سيبته للنار لوحده ؟
لما بيحتجلي بيلاقيني ولا بدور عليه مش بلاقيه ويقولي معلش اصل غصب عني والظروف ؟
لما بيحتجلي بجري عليه ولا بنفضله ؟
لو كل واحد فينا سأل نفسه الاسئله دي وجاوب عليها والاجابه عدت 70% يبقي الحب ده نضيف اوي واكيد هينجح بعد الزواج لكن لو اقل يبقي ربنا يرحمك ويكون في عونك
المشكله ان الحاجه الوحيده اللي ممكن تدمر حياتنا هي الحب وهو الحاجه الوحيده اللي بتخلينا ممكن ننتحر اصلا
ونقضي على حياتنا لاننا مش بنفكر فيه بعقلنا وبنكون ضعفه اووووي وجوبنه اوي اه والله بنكون جوبنه بنخاف اننا نبعد
كلنا بيترعب من كلمه الفراق وللاسف مش بنفكر هل البعد ده والفراق ده في مصلحتنا ولا لئه ؟؟؟
بنفكر فيه على انه وحده وعتمه وبس انا اول واحده فيكو كنت بخاف من الكلمه دي بس بعد ما فوقت وفكرت وعديت لوحدي
من اخطر مرحله في حياااااااااتي كلها لما فوقت من الوهم ده حسيت قد ايه اني كنت ضعيفه وكرهت نفسي اوي لاني عمري ما كنت ضعيفه
وبكره اوي الناس الضعيفه الجبانه وبكرهم وبقيت بكره اوي الشخص اللي الحب يكون مسيطر عليه وعلى عقله علشان بيكون جبان وضعيف ومش شايف اي حاجه والحب بالنسبه ليه زي السم في العسل بيدمره من غير ما يكون واخد باله زي انا كده
ما الحب لما مر بيا دمرلي حياتي بس الحمد لله قدرت اللحق نفسي
انا خلصت كلامي مش عارفه بقي فهمتوني ولا لاء لاني مش هوضح تاني
اللي كنت عايزه اوصلهولكو اننا نفكر صح في حياتنا وحبنا ومستقبلنا علشان الحب
هو اللي بيبني حياتنا ومستقبلنا كللللللللللللللللللها

[ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط]