تعلم يامن تحب......؟

من طرف **body** الثلاثاء مايو 17, 2011 12:43 am

الى كل حبيب وكل حبيبه
طبعا كل واحد بيحب عاوز يحافظ على حبيبه
عشان كده انا بقدملكم شويه نصايح
شفتها وعيشتها بس يا رب تعجبكم وعشان مطولش عليكم انا حقلكم على النصايح
**اولا نصايح للبنات ازاى تحافظى على حبيبك؟

1/حاولى تفهميه كويس وتعرفى طباعه

2/تعرفى بيحب ايه وبيكره ايه وتحاولى تعملى اللى بيحبه

3/خليكى اقرب الناس ليه وخليكى جمبه فى الحلوه والوحشه

4/بلاش الصوت العالى معاه وبلاش تتحديه وعامليه بهدؤ وحنيه وصدقينى حتكون النتيجه زى مانتى عاوزه واحسن بكتير

5/بلاش العند والتحدى وخليكى هاديه

6/الولد يحب البنت الرومانسيه اللى تخاف عليه وتهتم بيه

7/بلاش تحرجيه قدام الناس وحاولى تحلى مشاكلك بعيد عن الناس

8/استحمليه لو غلط وسامحيه واصبرى عليه وهو حيقدر صبرك ده ومش حيكرر غلطه

9/ اهم حاجه تحتويه وتكونى اقربله منه

10/اخلصيله فى تصرفاتك وهو حيحس بده ويقدرك

11/بلاش الشك الزياده وعاتبيه بالحب والهدؤ

12/خديه دايما للاحسن وحاولى تبعديه عن كل حاجه انتى شيفاها وحشه بس بالتفاهم والاقناع

13/ الاولاد عايزه صبر وطوله بال لو بتحبيه اوعى تسيبيه خليكى معاه واستحمليه وهو حيقدر كده

وصدقينى سعتها مش حيلاقى حد يستاهل الحب اكتر منك وحيتمسك بيكى اكتر واكتر

**ثانيا النصائح للاولاد ازاى تحافظ على حبيبتك؟

1/البنات عموما رومانسين وطيبين وتعرف تراضيهم باقل كلمه

2/بس المهم تحافظ عليها

3/اوعى تكدب عليها حتفقد ثقتها فيك

4/احتويها وخليك دايما قريب منها

5/افتكر
كل المنسابات يعنى مثلا عيد ميلادها و اول مره شفتها فيها اول مره تخرجو
مع بعض اول مكان رحتوه وكده يعنى صدقنى حيفرق معاها جامد

6/خليك مخلص معاه وبلاش تخدعها

7/استحملها واصبر عليها

8/خليك حنون ودايما حسسها بحبك وباحلى لحظات عيشتها معاه

9/اوعى تسيبها تحت اى ظرف من الظروف عشان كده حتفقد ثقتها فيك

10/ياريت بلاش تحرجها قدام الناس وحل مشاكلك معاها لوحدكو

وأخيرآ

يارب كل اتنين فى الدنبا حبايب قربهم ماتفرقهمش
يارب
كل اتنين بيحبو بعض ربنا يبعدهم عن المشاكل ويجعلهم لبعض طول العمر وربنا
يبعد عنهم الجرح والفراق الانه مر المذاق ويجعلهم دايما لبعض ومع بعض
[ندعوك للتسجيل في المنتدى أو التعريف بنفسك لمعاينة هذه الصورة]